FESTA E ZOJËS SË KARMELIT

Me 16 korrik Kisha Katolike përkujtoi festën e Zojës së Karmelit. E në nder e lavd të kësaj feste edhe në dioqezën e Sapës, pikërisht në kishën e Shën Mëhillit, pranë kuvendit të Motrave Karmelitane në Nënshat, u kremtua me solemnitet festa e Zojës së Karmelit, që sipas traditës shqiptare njihet dhe si Zoja Karmë.

Mesha e shenjtë u udhëhoq nga Vikari Përgjithshëm i Dioqezës së Sapës, Dom Carlo Fantini, në bashkëkremtim me meshtarë të tjerë. Për të bashkëndarë gëzimin e kësaj feste, bashkë me motrat morën pjesë edhe besimtarët e zonës, ku të gjithë së bashku u lutën dhe i kërkuan Zojës se Karmelit plotësimin e nevojave të tyre, paqe, hir e begati në jetën e të gjithë shqiptarëve.

Në fillim Dom Karlo përcolli urimet e përzemërta të Ipeshkvit të vendit, Imzot Lucjan Avgustini, i cili, për shkak të angazhimeve të tjera nuk ishte i pranishëm, e më pas ka vazhduar me homelinë e rastit duke e falënderuar Zotin për dhuratën e madhe që i ka bërë dioqezës sonë me praninë e Motrave Karmelitane në mesin tonë, të cilat janë gjithmonë në lutje për nevojat e mbarë besimtarëve brenda dhe jashtë Shqipërisë. 

Violeta Marashi

   titujt kryesore

webmaster