KREZMIMET NË VAU-DEJËS

Në të kremten e Rrëshajve, famullia e Shën Nikollit në Vau-Dejës, ka gëzuar edhe në festën e Krezmimeve të 65 të rinjve e të rejave të kësaj famullie. Në këtë kremtim solemn të udhëhequr nga Ipeshkvi i vendit Imzot Lucjan Avgustini, në bashkëkremtim me famullitarin Dom Simon Kulli, sikurse apostujt ishin të bashkuar në pritje për marrjen e Shpirtit Shenjt, ashtu edhe besimtarët e kësaj famullie ishin të bashkuar në Katedralen e Lumja Nënë Tereza për të kremten e Rrëshajave, duke u lutur për ndikimin e Shpirtit Shenjt në zemrat dhe mendjet e secilit, kryesisht për të rinjtë që morën sakramentin e Krezmimit.

Gjatë homelisë së rastit Imzot Lucjani kujtoi  rëndësinë e ditës së Rrëshajëve, por edhe rëndësinë e sakramentit të Krezmimit, që është i themeluar prej vetë Krishtit. “Me pranimin e Shpirtit Shenjt, tha ipeshkvi, hyjmë në plotësinë e misterit të Krishtit, në bashkësinë e Kishës.” Duke përfunduar Imzot Lucjani uroi të gjithë kandidatët për Krezmim që t'i forcojë Shpirti Shenjt me dhantitë e veta që të munden gjithmonë të jen dëshmitarë të Krishtit Zot. 

   titujt kryesore

webmaster