PUSHOI NË PAQE DR. TEREZINA SUMA

Më 20 qershor 2009 përfundoi në paqe shtegtimin e saj tokësor e dashura Doktoreshë Terezina Suma.

Qytetarët e Shkodrës e kujtojnë me respekt të paharruar veprën e saj shëndetësore në Spitalin Civil, ku ajo me profesionalitet dhe kompetencë, me delikatesë dhe përkushtim të veçantë ndaj atyre që ishin në nevojë bashkoi gjithmonë shpirtin e krishterë duke u bërë e kujdesshme në lehtësimin e vuajtjeve njerëzore.

Në vitin 1991 Dr. Suma, e zgjeroi shërbimin e saj mjekësor, duke shkuar në mënyrë vullnetare në ambulanca të fshatrave ku kishin rikthyer  praninë e tyre  motrat stigmatine: Dajç i B. Bunës, Pistull, Grudë e Re etj.

E përpiktë, e gatshme dhe e palodhshme i vinte në ndihmë çdo kërkese të të sëmurëve, e në veçanti më të varfërve të fshatrave.

Në emër të respektit dhe miqësisë që na lidh me Dr. Terezina Suma, dëshirojmë të shprehim mirënjohjen tonë edhe në emër të të gjithë atyre që kanë pasur përmirësime  prej shërbimit bujar të saj  mjekësor.

“O Zot shpërbleje me Çmimin e jetës së pasosur  në mbretërinë e Paqes dhe të gëzimit”. 

Motrat Stigmatine

   titujt kryesore

webmaster