SHUGURIMI DIAKONAL I GJERGJ NDREKËS

Me datën 21 qershor 2009, Bashkësia e Etërve Vinçencianë pati një gëzim të madh. Në këtë datë u shugurua diakon një prej bijve të vet seminaristi Gjergj Ndreka. Ky është shugurimi i parë diakonal i një vinçenciani shqiptar, qysh pas rënies së diktaturës komuniste.

Shugurimi u bë në Katedralen e bukur të Rrëshenit, nga duart e bariut të kësaj dioqeze, Sh. T. Imzot Cristoforo Palmieri. Të pranishëm ishin edhe meshtarë të tjerë – veçanërisht etërit e familjes vinçenciane që është në Shqipëri – si edhe shumë besimtarë të ardhur nga zona të ndryshme.

Kisha gëzon sa herë që në mesin e saj dalin persona bujarë, që ia hapin zemrën Hyjit dhe shërbimit të vëllezërve. Nuk ka shumë rëndësi forma e jetës që Hyji i thërret që ta aktualizojnë këtë, por ka rëndësi që kësaj thirrjeje i përgjigjen pa rezerva dhe me hare.

Shugurimi diakonal padyshim që është një shprehje e qartë e kësaj përgjigjeje, e prandaj ne mësojmë nga Dom Gjergji dhe gëzojmë së bashku me të.

   titujt kryesore

webmaster