SHUGURIMI I KISHËS NË TAMARA

Bashkësia e krishterë e Tamarës – Kelmend ka qenë në festë për bekimin e Kishës së Shën Ndout të Padovës që u bë më 20 qershor 2009, në orën 11.00.

Mesha dhe liturgjia e bekimit u kremtua nga Imzot Angelo Massafra, në praninë e famullitarit, Atë Sergio Gazzea, frat  françeskan, të fretërve tjerë, të meshtarëve dioqezanë dhe Rregulltarë, të motrave Françeskane misionare të Susës, të cilat bashkëpunojnë me famullitarin në Kelmend, të Motrave të tjera dhe të besimtarëve të shumtë.

Atë Sergio me këmbëngulje është angazhuar për të restauruar kishën e rregulluar nga Atë Livio Sorsoli, famullitar françeskan i mëparshëm, dhe pë të ndërtuar një sallë polivalente, e cila u bekua atë ditë.

Si Imzot Massafra, si Atë Sergio falënderuan ata që kanë kontribuar për Kishën dhe për Sallën: Selinë e Shenjtë, Ministrin Provincial, Fretërit, bamirësit nga Italia dhe besimtarët nga vendi dhe nga mërgimi.

                                                                                                          Kronisti

   titujt kryesore

webmaster