FJALIMI I ARQIPESHKVIT

Në fillim të Meshës Imzot Angelo Massafra, Arqipeshkëv Metropolit i Shkodër-Pult, tha këto fjalë:

     “Vellezër dhe motra kremtojmë këtë meshë e shenjtë për shpirtin e Imzot Zef Simonit.

Falënderoj për praninë:

1-Imzot Romero Ingles, Nunc apostolik

2-Të gjithë Ipeshkvinjtë, Imzot Hil Kabashi, Imzot Zef Gashi, Imzot Dodë Gjergj, Imzot Ottavio Vitale, Imzot Gjergj Grendo dhe Imzot Lucjan Avgustini, te cilën edhe e falënderoj sepse pranoi për të bërë pretkun në rast të dhimbshëm. Falënderoj Imzot Rrok Mirditën dhe Imzot Cristoforo Palmierin, të cilët, duke qenë jashtë Shqipërisë,janë shpirtërisht të pranishëm.

3-Falënderoj të gjithë meshtarët dhe Rregulltarët e Rregulltaret, në veçanti Don Gjovalin Sukaj dhe motrat Bijat e dashurisë Hyjnore dhe Vinçenciane.

4-Falënderoj Atë Nikollin e Kishës Ortodokse

5-Falënderoj z. Feiz Zaganjori që përfaqëson Bashkësinë myslimane.

6-Falënderoj Zotin Kryeministër, dot. Sali Berisha dhe Kryetaren e Kuvendit, Zonja Jozefina Topallin.

7-Falënderoj të gjithë Autoritet Civile Vendore dhe Politike

8-Falënderoj të gjithë juve, besimtarë te dashur. Në veçanti falenderoj ata dhe ato që kanë  ndihmuar Imzot Zefin dhe familjen e tij gjatë viteve të burgut dhe në këto vite të pleqërisë.

Imzot Zefi ka qenë jo vetëm meshtar ose ipeshkëv i mirë, por Ai ishte një njeri i kulturës dhe i dashurisë për letërsinë. Me vdekjen e tij humbim fizikisht një dëshmitar jo vetëm të Krishtit por edhe të lirisë dhe të dashurisë ndaj Atdheut.

Imzot Zef ka qenë në burg plot 12 vite, por Ai përfaqëson ata Martirë që para pushkatimit kanë bërtitur: Rroftë Krishtin Mbret, Rroftë Papa, Rroftë Shqipëra…

Faleminderit Imzot Zef për këtë shembull, sepse ke dashur Krishtin, Kishën Katolike dhe Atdheun, sipas binomit që Ju shpesh herë keni përmendur: Për Fe dhe  Atdhe.

E ndërsa ne sot jemi duke lutur Atin për Ty, jam i bindur se edhe Ti do të lutesh për ne të gjithë, për Motrën tënde Çiljetën dhe Vëllain Don Gjergjn; jam i bindur se do të lutesh për Kishën tonë për të cilën shkrive krejt jetën pa u kursyer, si dhe për Shkodrën që e ke dashur si nusen më të bukur e fisnike në botë. Por Ti, jam i bindur, se do të lutesh për krejt Kombin tonë. Dhe lutja jote do t'i lartësohet Trinisë së Shenjtë në bashkim me Martirët që dhanë jetën për Krishtin dhe Shqipërinë si dhe me të Lumen Nënë Terezën, bijën e dashur shqiptare.

Pushofsh në paqe!“.

titujt kryesore

webmaster