KALOI NË AMSHIM MOTËR GJORGJIA BULGARECI STIGMATINE

Motër Gjorgjia Bulgareci lindi në Korçë me 23. 4. 1923. Në vitet e para të jetes i vdesin prindërit, dhe së bashku me motrën Dhorka rritet tek nëndaja e tyre.

Rrjedh nga një familje ortodokse dhe për këtë arsye gjithmonë është në lutje për bashkimin e të krishtërve.

Hyri në kongregatën e motrave stigmatine në moshën 19 vjeçare.

Ka sprovuar vështirësi dhe vuajtje në burg pothuajse pesë vite ku ka pasur shoqe pune gra ortodokse e myslimane.

Doli prej burgut në vitin 1954 e pastaj u strehua tek motra e saj në Durrës dhe shërbeu me përkushtim në Kishën e Shën Antonit  në Tiranë.

Gjatë burgimit të fretërve shpesh herë ka vizituar Atë Donat Kurtin e Atë Zef Pllumbin për të cilët hoqi edhe bukën e gojës.

Motër Gjorgjina e rigjeti gëzimin e saj kur në vitin 1992 takoi stigmatinet e para që erdhën nga Italia, pas regjimit komunist.

Erdhi në kuvendin e stigmatineve në Shkoder në vitin 1998, duke eksperimentuar lumturinë françeskane e të jetuarit së bashku.

Pranoi me kthjelltësi vuajtjet e një sëmundjeje të gjatë duke i bashkuar me mundimet e Krishtit në dobi të Kishës së gjithmbarshme, por në mënyrë të veçantë për Kishën Shqiptare.

Motër Gjogjina u nda nga kjo jetë me 21 mars 2009 në kuvendin stigmatin në Shkodër.

Motër Gjorgjina, lutu për nipat tu që të kanë dashur aq shumë: Gjanin, Vangjushin, Paulinën, Liljanën, Afërditën e për të gjithë stërnipat e tu.

Lute Zotin edhe për Istitutin që të ketë thirrje të shenjta.

Motrat Stigmatine 

  titujt kryesore

webmaster