NDËRROI JETË IMZOT ZEF SIMONI

DITËN E SHTUNË MË 21 SHKURT 2009

Imzot Zef Simoni, lindi në Shkodër më 1 dhjetor 1928 nga prindrit katolikë Kolë e Gjyste Simoni dhe ishte vëllai i Dom Gjergj Simonit dhe i Çiljetës.

Shkollën fillore e kreu në Shkodër dhe liceun në “Illiricum”. Arsimin e lartë e kreu në Tiranë në Institutin e Lartë Pedagogjik dhe më pas u emërua arsimtar në qytetin e Shkodrës.

I thirrur prej Zotit në rrugën e meshtarisë, pasi kreu studimet e filozofisë dhe të teologjisë pranë Arqipeshkvisë Shkodër, më 9 shkurt shugurohet meshtar në fshehetësi nga Imzot Ernesto M. Çoba. U arrestua në vitin 1976 dhe u dënua me 15 vjet burgim nga ku u lirua në vitin 1988 mbas 12 viteve burgim.

Në vitin 1991 emërohet nga Papa Gjon Pali II Famullitar i Shkodrës dhe në vitin 1992 emërohet Vikar i Përgjithshëm i Shkodrës.

Më 25 prill 1993 shugurohet ipeshkëv nga Shenjtëria e Tij, Papa Gjon Pali II në Katedralen e Shkodrës.

Imzot Zef Simoni, ishte prelat dhe njeri i kulturës. Këtë e tregon angazhimi i tij në shërbimet fetare në dëshirën që kishte për Zotin dhe njerëzit si dhe shkrimet që ka lënë plot 16 libra.

Programi i ceremonisë së varrimit të Imzot Zef Simonit:

· Ditën e shtunë, dt. 21 shkurt, priten vizita tek Kuvendi i Bijave të Dashurisë Hyjnore.

· Ditën e dielë, dt. 22 shkurt, ora 09:00, nisja me procesin nga shtëpia e të Ndierit Imzot Zef Simonit në drejtim të Kishës Katedrale dhe trupi do të vendoset tek Salla “Kardinal Mikel Koliqi” ku mund të bëhen lutje dhe homazhe pranë trupit të tij.

· Ditën e hënë, dt. 23 shkurt, në orën 08:00 proçesioni me trupin e të Ndierit hyn në Katedrale.

· Në orën 11:00 Mesha e Pontifikale e Salikimit dhe ceremonia e varrimit në Kriptën e Katedrales. Pushoftë në paqe.

Arqipeshkvia Metropolitane

Shkodër-Pult

dhe Familja Simoni

titujt kryesore

webmaster