PËRUROHET BIBLIOTEKA NË RRANXA

Të shtunën më 14 mars 2009, në Rranxa-Bushat, u inaugurua biblioteka e re dhe një sallë për aktivitete të ndryshme, kushtuar shërbëtorit të Hyjit, Mark Çuni, seminaristit martir nga Rranxa, si edhe një fushë futbolli.

Ceremonia u zhvillua në praninë e Imzot Angelo Massafra, Arqipeshkëv Metropolit i Shkodër-Pult, bashkë me disa meshtarë të dioqezës dhe me praninë e disa meshtarëve nga dioqeza e Orisë (bashkëfinancimit të projektit), e shumë besimtarëve nga fshatra të ndryshme të famullisë.

Me këtë rast, Atë Mario Imperatore paraqiti një libër, të përgatitur prej vetë atij, me titull “Un seminario pontificio nel vortice della persecuzione comunista”.

Biblioteka dhe fusha e sportit janë pjesë e një projekti “Rranxa Speranza”, financuar nga “Fondo dell'ottopermille per l'aiuto ai paesi del terzo mondo”. Ky projekt parashikon zhvillimin e aktiviteteve të ndryshme me të rinjtë e kësaj famullie (gjuhë të huaja, kurse të ndryshme etj), gjithashtu parashikon një projekt tjetër për volejboll dhe futboll në fshatin Mali Jushit dhe Melgushë.

Kjo pjesë e projektit është një shtesë e asaj që ishte filluar në Rranxa në të kaluarën me ndërtimin e dhe inaugurimin e Asilos ku sot shihet prania e shumë fëmijëve.

Dom Alessandro Mayer

 titujt kryesore

webmaster