QENDRA “MBRETËRESHA E PAQES” TE STACIONI I TRENIT

Shumë i dashur Imzot Angelo Massfra. Mirëseerdhe në qendrën tonë që ju vetë na e keni dhuruar. Duam t'ju falenderojmë me gjithë zemër sepse kjo qendër është një pikë referimi për të gjithë fëmijët dhe të rinjtë e lagjes. Këtu ata kalojnë orë formimi dhe argëtimi.(Janë rreth 200 fëmijët e të rinj).

Në qendrën tonë tonë aktivitetet zhvillohen çdo ditë nga e hëna deri në të premte, në mëngjes dhe pasdite: në mëngjes fillojmë në orën 900 dhe mbarojmë në orën 1300. Gjatë kësaj kohe kemi fëmijët parashkollorë,( rreth 35). Përveç kësaj kemi edhe fëmijët nga klasa e I-IV që përgatisin detyrat. Pasi të kenë mbaruar organizohen aktivitete të ndryshme si: gjuhë të huaja, kërcim, punë dore,  etj.

Në orën 1130 për të gjithë fëmijët është dreka. Për këtë falënderojmë shoqatën italiane “Madonnina del Grappa” e cila na sponsorizon gjatë këtyre dy viteve.Pas dreke aktivitetet zhvillohen nga ora 1430 deri në orën 1800. Pak kohë për mikpritje dhe pastaj organizohemi në grupe. Grupet përbëhen nga fëmijët që frekuentojnë klasat nga e V deri edhe klasat e gjimnazeve. Edhe pasdite organizohen kurse të gjuhëve të huaja, katekizëm dhe aktivitete kulturore dhe shoqërore. Me më të rriturit kemi formuar një grup të cilët vizitojnë azilin e pleqve të paktën dy herë në muaj, si pjesë e komunitetit Sant Egidio.

Në orën 1600 deri në orën 1800 nga e martja deri në të premte janë dy grupe rrobaqepësie që ndihmohen nga ACLI italian. Jezusi ka thënë: ”Lërini fëmijët që të vijnë tek unë!”

Qëllimi i punës sonë është që t'i mësojmë fëmijët dhe të rinjtë të jenë të bashkuar në saje të dashurisë për Zotin dhe për të tjerët si edhe t'i formojmë ata nga ana edukative, kulturore dhe sociale.  Edhe gjatë muajve të verës: korrik-gusht me ndihmën e vullnetarëve zhvillojmë aktivitete të ndryshme. Lusim Zotin që ndërsa i shohim duke u rritur në moshë, këta fëmijë të rriten në dije dhe në hir, sikur Ai do që të jenë. Me falenderimet tona më të sinqerta devotshmërisht ju dërgojmë nderimet tona.

Sr. Carmina Schieda       

 titujt kryesore

webmaster