VIZITA BARITORE NË SHKODËR

QENDRA “NËNË TEREZA” – DOBRAÇ

Një kumbonë dhe një kryq i madh shënojnë “Qendrën baritore Nënë Tereza”, të vogël dhe të thjeshtë, sikurse pajtorja e saj.

Bashkësia e krishterë është duke u rritur nën udhëheqjen dhe angazhimin e famullitarit, dom Juan Francisco Garcia, dhe bashkëpunëtorëve të tij: Motrat Misionare të Bamirësisë (m. e Nënë Terezës), katekistët dhe të rinj e të reja me vullnet të mirë.

Jane të pranishme edhe Motrat e Kongregatës Spirituelle Weggemeinschaft  me veprat e bamirësisë. Rritja shpirtërore, përveç aktiviteteve të përgatitjes për sakramentet (edhe në zonën e Kirasit), ndihmohet nga përvoja e Ecjes Neokatekumenale, për të zbuluar hirin e pagëzimit dhe bukurinë e tij. Aktivitetet e ndryshme gjallërojnë jetën e qendrës: kurse muzikore (për të gjallëruar liturgjinë); aktivitete sportive; takime për katekeza mbi familjen; takime për kurse gatimi; aktivitete teatrale. Shfaqja mbi Nënë Terezën ia ka dhënë bashkësisë mundësinë për ta njohur e për ta dashur gjithmonë e më shumë Nënën tonë shqiptare.

Më 29, e diel, erdhi Imzot Angelo Massafra, për vizitën baritore. Paradite kaloi nga disa familjet e pas drekës në Qendrën për Meshën e Shenjtë. Ishin të pranishëm shumë besimtarë, Don Juan, Përgjegjës Baritor, Motrat e Nënë Terezë dhe Motrat e Kongregatës Spirituelle.

titujt kryesore

webmaster