DY MESHTARË NË DIOQEZËN E RRËSHËNIT

Me datën 8 nëntorë u shuguruan meshtarë dy djakonë: Dom Genc Çupi, fshati Simon i Mirditës, dhe Dom Ambroz Demaj, i ardhur nga Kosova dhe i inkardinuar në dioqezën e Rrëshënit.

Meshën e Shenjtë e kryesoi ipeshkëvi i kësaj dioqeze Sh. T. Cristoforo Palmieri, i cili natyrisht ishte edhe shumë i emocionuar nga gëzimi që i shkaktonte fakti se po u jepte sakramentin e meshtarisë dy kandidatëve të rinj, të cilët do t'i bëhen atji ndihmë tejet e çmuar në përhapjen e Fjalës së Zotit dhe të Sakramenteve, duke i shërbyer kështu popullit të Zotit në atë dioqezë, me plot bujari. Pikërisht këto të vërteta Shkëlqesia i theksoi ngultas edhe në homelinë e tij, duke i ftuar dy kandidatët e rinj – që pas pak dotë shuguroheshin – të kenë për zemër një gjë mbi gjithçka tjetër: të përpiqen vazhdimisht t'i përngjajnë Jezu Krishit.

Katedralën madhëshore e kishin mbushur besimtarë të ardhur jo vetëm nga zonat përreth, por edhe nga dioqezat tjera të Shqipërisë si edhe nga Kosova.

Na vjen spontane që ta falënderojmë Hyjin që nuk e braktis kurrë popullin e vet, por vazhdimisht kujdeset për të.

 titujt kryesore

webmaster