MBLEDHJA E KËSHILLIT PRESBITERIAL DHE BARITOR

Me datën 25 shtator 2008, në një nga sallat e Kurias Dioqezane të Sapës, në Vau-Dejës u zhvillua mbledhja e radhës e Këshillit Presbiterial dhe Baritor. Pas një periudhe tepër të lodhur (siç ishin misioni veror dhe përfundimi i punimeve të Katedrales), por mjaft të frytshme, ipeshkvi i vendit u uroi mirëseardhjen të gjithë meshtarëve, rregulltarëve dhe rregulltareve dhe i falënderoi për punën e bërë në nder e lavd të Zotit dhe Kishës lokale që u është besuar.

Më pas ipeshkvi paraqiti gjendjen baritore në dioqezë dhe organizimin për baritoren 2008-2009. Duke folur për vitin Jubilar të Shën Palit, Imzot Lucjani u bëri thirrje që të angazhohen të gjithë sipas shembullit të Shën Palit në përhapjen e Ungjillit, dhe ftoi komisionet që të përgatisin një plan-program lidhur me iniciativat për t'i organizuar në nivel dioqezan.

Pikë tjetër që u diskutua ishte edhe Vizita Kanonike, që për ipeshkvin është detyrim juridik dhe kërkesë baritore.

Gjatë këtij takimi, Shkëlqesia e Tij Imzot Lucjan Avgustini bëri të ditur edhe situatën që është shfaqur në dioqezë për arsye të mungesës së meshtarëve. Nisur nga kjo gjendje që është krijuar, bariu i Sapës, i ftoi meshtarët, rregulltarët dhe rregulltaret që edhe pse ndoshta të mbingarkuar, të gjithë së bashku të mund t'i mbulojnë këto zbrazëtira si në punën baritore ashtu edhe në një organizim më të mirë e më të frytshëm

 titujt kryesore

webmaster