RAPORTI ME ORGANIZMAT E TJERA KONTINENTALE (CELAM E SECAM)

Kardinali Polycarp Pengo, Arqipeshkëv i Dar-es-Salaam dhe President i SECAM (Symposium of Episcopal Conferences of Africa and Madagascar/Simpoziumi i Konferencave Ipeshkvnore të Afrikës e Madagaskarit) është ndalur mbi bashkëpunimin mes ipeshkvijve evropianë e afrikanë. Njohja e nevojës së Hyjit dhe gëzimi në kremtimin e besimit të të krishterëve në Afrikë duhet të frymëzojë edhe kontinentin e vjetër. Përveç shenjave të solidaritetit ekonomik, teknologjisë dhe njohjes shkencore evropiane, është e nevojshme të shtohen në kontinentin afrikan, ndihma në formimin e priftërinjve të ardhshëm dhe operatorëve baritorë.

Nga ana e tij Imzot Héctor Miguel Cabrejos Vidarte, Arqipeshkëv i Trujillo, President i Konferencës Ipeshkvnore të Perusë e President i Komisionit për Misionin Kontinental të CELAM (Consejo Episcopal Latinoamericano) është ndalur mbi frytet e Konferencës së Aparecida (2007) që kanë pasur pasoja të dukshme mbi të gjitha në mjedisin e veprimit misionar të Kishave lokale. Celam e konsideron bashkëpunimin me ipeshkvijtë evropianë të një rëndësie të parë, meqë, në shumë raste, përballin të njëjtat sfida në të cilat solidariteti mes kishave të ndryshme mund të jetë veçanërisht i rëndësishëm.

 titujt kryesore

webmaster