TEMA TË AKTUALITETIT

Presidentët kanë marrë disa komunikata mbi temat e aktualitetit: mbi kërkimin e qelizave staminale, mbi eutanazinë e mbi përvojat e dialogut me Islamin.

Qelizat staminale

Presidentët kanë dashur që të ripohojnë “jo”-në e tyre ndaj kërkimit me qelizat staminale embrionalë. Kisha katolike e refuzon këtë tip kërkimesh, pasi ajo supozon vrasjen e embrionit njerëzor.

Kërkimi shkencor mbi qelizat staminale të rritura hap përkundrazi mundësi të reja që megjithatë kanë nevojë për një reflektim të mëtejshëm dhe inkuadrim etik.

Eutanazia

Në Evropë, kërkesat për një kulturë jete e kanë të vështirë që të bëjnë hapësirë kundër kulturës së fuqishme të vdekjes. Njeriu nuk duhet të vdesë nga dora e një njeriu, por në duart e tij. Për këtë motiv Kisha mbështet krejt atë që lejon për të lehtësuar vuajtjet e të sëmurit terminal dhe shoqërimin e tij drejt vdekjes natyrore.

Dialogu me Islamin

Presidentët kanë vënë në dukje nevojën e dialogut. Më shumë se një reflektim teologjik, detyrë e instancave të tjera kishtare, kanë theksuar nevojën e përballjes mbi temën e bashkëjetesës sociale të bashkësive të krishtera dhe myslimane në jetën e përditshme.

Në fund të punimeve, Presidentët e Konferencave ipeshkvnore kanë vendosur që Asambleja Plenare e CCEE të 2009 të realizohet në Paris (Francë) më 1-4 tetor 2009 dhe kanë falënderuar Kardinalin Péter Erdö për mikpritjen e ngrohtë. Punimet janë zhvilluar në një klimë përzemërsie dhe miqësie dhe janë pasuruar nga momente lutjeje e nga kremtimi i përditshëm i Eukaristisë.

 titujt kryesore

webmaster