VIZITA BARITORE NË FAMULLINË E SHËN RROKUT (BUSHAT)

Ka zgjatur tetë ditë, nga e shtuna e 8 nëntorit deri të dielën e datës 16, vizita e Arqipeshkvit në famullinë e Shën Rrokut në Bushat.

Programi i dendur kishte në vetvete kremtimin e Meshës së Shenjtë nga ipeshkvi në pesë fshatrat e famullisë (Bushat, Rranxa, Mali i Jushit, Melgush dhe Plezhë), pas kremtimit të të cilave ai ka mundur të ndalej e të dialogonte me besimtarët në një klimë familiare.

Në ditët e javës vizita është zhvilluar përmes takimesh të ndyshme me grupe besimtarësh (katekistë, Legioni i Marisë, të rinjtë, fëmijët e katekizmit) apo edhe në mënyrë individuale (veçanërsht me të sëmurët), pa lënë mënjanë disa takime më zyrtare, siç ishte takimi shumë miqësor me kryetarin e bashkisë së Bushatit dhe adnministratën komunale, apo ai me tre nga shkollat e pranishme në territorin e famullisë, ku në secilën ipeshkvit i qe rezervuar një pritje e zjarrtë, si nga nxënësit ashtu edhe nga docentët, pa dallim përkatësie fetare.

Në ditët e qëndrimit të tij në Rranxa ipeshkvi ka patur mundësi të ketë kontakt më të ngushtë me bashkësinë e vogël presbiterale të atyshme, të përbërë nga famullitari Dom Alessandro Mayer, nga bashkëpunëtori famullitar Atë Luçiano Fozzer S.I., nga diakoni i sapo ardhur nga dioqeza e Orias (Itali) Dom Fernando Dellomonaco dhe nga diakoni i ardhshëm, edhe ai i caktuar për këtë famulli, Artur Jaku. Të frytshëm kanë qenë edhe takmet me Vëllezërit Misionarë të Nënë Terezës si edhe vizita tek shtëpi-familja për djemtë me aftësi të kufizuara në Bushat, po ashtu edhe takimi me bashkësinë e Motrave të Familjes së Shenjtë të Savigliano, të pranishme në këtë famulli.

Vizita e ipeshkvit ishte rast për të parë punimet e restaurimit të kishës së Melgushit, si dhe njohja me fillimin e projektit “Rranxat si shpresë”, të financuar nga konferenca Ipeshkvnore e Italisë, e cila parasheh edhe realizimin e një biblioteke në Rranxa, të një salle informatike dhe të një fushe futbolli dhe volejbollit, por edhe zvillimi i kurseve të ndryshme professionale, të organizuar tashmë prej vitesh nga Motrat e Familjes së Shenjt. Arqipeshkvi pati mundësinë të takojë rreth 50 gra që frekuentojnë këto kurse .

Dita e fundit e vizitës baritore u karakterizua nga dy ngjarje të veçanta: bekimi i kopshtit të ri për fëmijët e famullisë në Rranxa, i cili do të hapet pas pak ditësh, si filjal i shkollës “Zemra e Krishtit” të Shkodrës dhe dhurimi i një ambulance bërë ndihmës së shpejtë të Bushatit nga ana e shoqatës SOS Sava, nëpërmjet ndërmjetësimit të dioqezës së Orias, të binjakëzuar me famullinë e Shën Rrokut.

Dom Alessandro Mayer

 titujt kryesore

webmaster