VIZITA BARITORE NË PENTAR

Famullia e Sh. Mëhillit në Pentar, në ditët 23 dhe 24 nëntor 2008, pati gëzimin dhe nderin të mikpresë Bariun dhe drejtuesin shpirtëror të dioqezës së Shkodër-Pultit, Sh. T. Imzot Angelo Massafra. Ajo e Pentarit, është një famulli e vogël por shumë e gjallë në jetën e shpirtërore qoftë në rrafshin personal qoftë në atë bashkësior. Vizita baritore e Arqipeshkvit tonë – e cila përkoi edhe me parapërgatitjen e Kohës së Ardhjes – na dha mundësinë që, nëpërmjet fjalëve të tij, të bënim një analizë edhe më të thellë në lidhje me ecjen tonë shpirtërore.

Fjalët inkurajuse të Bariut tonë si dhe porositë e tija, të cilat i dëgjuam me shumë ëndje, na nxisin të ecim edhe më të vendosur në rrugën e së vërtetës së Ungjillit dhe na kujtuan se duhet të jemi jo vetëm mirënjohës, por edhe vigjilentë ndaj kurtheve që i keqi mundohet të ngrejë gjatë ecjes sonë, me qëllim që të minimizojë sukseset në lidhje me zgjedhjet e shumta që na duhet të bëjmë në jetë, për të penguar kështu që në botë të bëhemi dëshmitarë të besueshëm të qytetërimit të dashurisë së Zotit Trinitar.

Arqipeshkvin e pritëm në hyrje të fshatit Pentarit, në Shkallën e Belajve, një vënd ky shumë i dalluar, qoftë për pamjen e mrekullueshme piktoreske që të ofron, qoftë edhe për një lidhje domethënëse historike, pasi nga aty mendohet se u hodhën poshtë, nga komunistët, shtatoret dhe fuguret e kishës sonë në shkurt të vitit 1967, vit kur edhe kisha jonë u shaktërrua si shumica dërmuese e kishave të tjera në Shqipëri. Nga pritja e gëzueshme, kaluam në kremtimin e Eukaristisë.

Takimi i Arqipeshkvit me të rinjët dhe fëmijët e famullisë, i cili ishte shumë i veçantë dhe atëror, qe një rast i mrekullueshëm mësimi në dialog kostruktiv. Takimin e të rinjëve do ta pasonte ai me bashkëshortët për një bashkëndarje tjetër me Arqipeshkvin mbi hallet dhe natyrën e re të problemeve që po has familja në kohën tonë, për të gjetur edhe, së bashku, përgjigje në frymën e shpirtit të krishterë, që duhet të na karakterizojë gjithmonë. Pastaj u vazhdua me vizitën në shkollën nëntëvjeçare “Gjergj Laca”, me vizitat e të sëmurëve, me bekimin e varrezave, atë të arave ku punojnë fshatarët, e cila përbën edhe burimin kryesor të jetesës. Gjithashtu Arqipeshkëvi i dedikoi kohë edhe rrëfimeve dhe dëgjimit të përsonave me nevoja të veçanta, takime të cilat treguan edhe një herë, në Arqipeshkvin tonë, fytyrën e një bariu të mirë në mesin të popullit të vet.

E falënderojmë me mirënjohje të thellë, Shkëqësinë e Tij Imz. Angelo Massafra dhe i urojmë atij shëndet e jetë të gjatë.

Kronisti famullitar

 titujt kryesore

webmaster