1200 vjetori i Shen Trifonit - Kotorr (Mali Zi)

Duke pranuar ftesën e Ipeshkëvit të Kotorrit, Imzot Ilija Janjić i cili me Kishën e tij vendore po kremtonte Jubileun e 1200 vjetorit të ardhjes së relikeve të nderueshme të Shën Trifonit martir nga Turqia, ka marrë pjesë edhe Arqipeshkvi ynë Imzot Angelo Massafra. Me të është bashkuar edhe Imzot Kristofori Palmieri, Ipeshkëv i Rrëshenit dhe Imzot Lucjan Avgustini, Ipeshkëv i Sapës.

Edhe pse nën një shi të pandërprerë, kremitmi ishte shumë i bukur .

Ishte i mrekullueshëm edhe koncerti që u mbajt në Katedrale, në mbrëmjen e 16 tetorit, koncert i cili bëri që të shijohet kënga e mrekullueshme Stabat Mater.

Zemra e festës ishte bashkëkremtimi solemn i së shtunës në mëngjes, më 17 tetor, kryesuar nga Kardinal Françesko Rodé, në bashkëkremtim me shumë ipeshkvij dhe meshtarë të ardhur nga Kroacia, nga Shqipëria dhe nga Italia, nën qiellin e hapur, përballë katedrales, nën çadra.

Para bashkëkremtimit, përballë portës së hyrjes në qytet, në momentin e mikpritjes së Eminecës së Tij Kardinal Rodé, banda muzikore vendase ka shoqëruar një grup të madh me kostume kombëtare, të cilët kanë mbajtur një kërcim artistik me tipare folkloristike, të shoqëruar nga muzika e himnit tradicional të Shën Trifonit. Të nesërmen, të dielën e datës 18, një grup pak më i vogël ipeshkvijsh, meshtarësh dhe me besimtarë të ardhur nga Adelfia (BA), ka shijuar një shtegtim tejet të bukur përgjatë bregdetit nëpër shenjtëroret e ndryshme që janë përbri brigjeve. Qendra e shtegtimit ishte ishulli i vogël i Zojës së Shkëmbit, në shenjtëroren e së cilës u kremtua Mesha që, edhe pse përjashta shungullonte një stuhi e fortë e detit, aty u përjetua një moment intesiv përshpirtërie të fortë.

Edhe dreka, që na u ofrua në bordin e tragetit, e ka kurorëzuar klimën e një bashkëndarjeje vëllazërore që u krijua në nder të Shën Trifonit.

    titujt kryesore

webmaster