Bekimi i Qendres Baritore ne Berdice te Siperme

Të dielën, më 25 tetor, ishte një ditë shumë e rëndësishme për fshatin e Berdicës së Sipërme. Rreth 150 familje katolike prej vitesh e kanë pritur realizimin e një vendi kulti në fshatin e tyre. Më në fund, gjatë verës, disa vullnetarë italianë, nën drejtimin e një meshtari të Caritas-it të Udines, Don Gianni Fuccaro, i interesuar shumë për këtë vend kulti, me disa punëtorë të fshatit, kanë ngritur një kapanon të mbërritur nga Italia në një terren përballë Komunës së Berdicës dhe pranë shkollës së fshatit. Në këtë ditë feste, në orën 15.30, Imzot Angelo Massafra erdhi për ta bekuar kishën. Pas një përshëndetjeje nga z. Nikolin Shati dhe Drejtori i Qendrës Don Bosko të Shkodrës, Don Gino Martucci, Arqipeshkvi bekoi kishën dhe katër sallat për katekizëm. Menjëherë më pas filloi kremtimi i Meshës së Shenjtë, shoqëruar me këngë nga kori i të rinjve të fshatit dhe kori i Berdicës. Ishin të pranishëm më se 250 besimtarë. Në fund të Meshës së Shenjtë famullitari Don Michele Gentile e falënderoi arqipeshkvin për praninë e tij, të gjithë besimtarët e fshatit dhe bamirësit e pranishëm apo emigrantë. Pas disa fjalësh nxitjeje dhe inkurajimi për fëmijët e të rinjtë që të jenë përgjegjës të formimit të tyre njerëzor e të krishterë si dhe për prindërit që të jenë më afër bijve të tyre, Arqipeshki e përfundoi Meshën e Shenjtë me bekim. Më pas u shtrua një koktejl i vogël për të gjithë.

Dom Michele Gentile

    titujt kryesore

webmaster