Fillimi i katekizmit ne famulline e Stajkes

Të dashur, gjithmon jemi mësuar që oborret e famullis sonë të gumëzhijnë nga zhurma e fëmijëve por, mos mendoni se aktivitetet e famullis sonë ndalohen me kaq. Në fakt më shumë se një aktivitet do ta quaja si një organizim shumë serioz,  që kërkon impenjim dhe përqëndrim të madh, pa përjashtuar këtu edhe katekizmin e fëmijëve, që është i një rëndësie të vecantë dhe thelbësore për edukimin e fëmijëve në jeten e krishterë e kjo kërkon një angazhim po kështu serioz e shumë impenjativ.

Si cdo vit, jemi mësuar që pas pushimeve verore kohë kur nisin të gjitha aktivitetet normale, sic janë shkolla puna etj, në famulli pas pak pak javëve niste katekizmi i fëmijëve. Mirëpo këtë vit në famullin tonë, përsa i takon katekizmit te fëmijëve,  ndollë paksa ndryshe. Katekizmi ende nuk kishte filluar. Arsyeja kryesore ishte mungesa e famullitarit tonë don Nikolinit, i cili nuk ishte për disa javë në famulli, pasi ishte muaj i misionit dhe duke qenë se, ai është udhëheqësi i grupit të animatorve Stajkë, asgjë nuk mund të fillohej pa praninë e tij, sepse ai është një simbol i gjallë i forcës, që na ndihmon që të ecim përpara. Ai gjithmonë na ka ndihmuar dhe na ka dhënë kurajo për të vazhduar më tej.

Gjatë kësaj periudhe në famulli gjithcka ishte në qetësi. Jemi në një kohë kur jo gjithcka ecë në vijë të drejtë, ndaj është momenti për të reflektuar mbi atë se sa e  rëndësishme, është prania e Zotit  në jetën e gjithsecilit dhe ajo e meshtarit në famulli, në mënyrë që ecja të bëhet në hapa të sigurtë.

Të qeshurat dhe gjallëria e fëmijëve,gezimi i tyre, në oborrin e kishës ndjehet sërish me dt.31.10.2009 ,datë që shënon edhe fillimin  e katekizmit për këtë vit 2009-2010,i cili u bë në formën e një prezantimi mes animatorve dhe fëmijëve. Në takimin e hapjes u bë ndarja e klasave së bashku me animatoret, diktimi i rregullave,caste domethenëse, momente të cilat kaluan me lutje dhe lojra. Nga vitet e tjera sivjet çdo klasë ka përkatësisht katër animator, një animator i cili merret me shpjegimin e mësimit të krishterë dhe tre të tjerë për organizimin e lojrave pas orës së katekizmit. E veçanta është se këtu përveç të rinjëve në dhënien e katekizmit angazhohet edhe famullitari së bashku me një motër.

Këtë vit janë programuar 31 orë katekizmi, të cilat do të zhvillohen çdo të shtunë sipas orëve përkatëse, duke përjashtuar këtu grupin V dhe IX që e zhvillojnë ditën e mërkure dhe të enjte meqenëse përgatiten për marrjen e sakramentëve të Kungimit të parë dhe Krezmimit. Sipas programit të paraqitur dhe për të mbajtur një klim rinore në fund të aktiviteteve është programuar shëtitje të ndryshme për të njohur historin dhe realitetin e popullit tonë.

Duke shpresuar se çdo gjë do të shkoj mirë dhe duke kërkuar ndërmjetësin e Virgjëres Mari dhe bekimet e hiret që vijnë prej Zotit tonë Jezu Krishtit, ju urojmë suksese fëmijëve dhe grumoshave të ndryshme të pranishem në katekizëm, urojmë që të rriten nën hirin e Tij. Që në një të nesërme këta fëmijë të bëhen të vlefshëm për jeten, që ta dëshmojnë me jetën e tyre, në fjalët dhe veprat e tyre të qenurit të krishterë.

Mari Gjeçaj

    titujt kryesore

webmaster